Mancomun.org

Distribuir contido
Software libre en galego
Actualizado: fai 16 horas 7 min

A Cidade da Cultura acollerá a terceira Galicia Maker Faire

Xov, 16/11/2017 - 08:30

Os vindeiros 24, 25 e 26 de novembro a Cidade da Cultura terá a honra de acoller a terceira edición da meirande feira de inventores a nivel mundial na súa edición galega, a Galicia Maker Faire.

Esta edición suporá a consolidación do evento como o máis importante neste eido a nivel estatal, tanto por cantidade de makers expoñendo os seus traballos así como en número de asistentes. O evento galego gaña tamén pulo a nivel Europeo, pois está entre os cinco con maior número de visitantes, preto de grandes cidades como Roma ou París.

Nas pasadas edicións, 2015 e 2016, máis de 24.000 asistentes e 300 makers escolleron Galicia como lugar onde expor e desfrutar de cantidade de proxectos levados adiante pola comunidade, potenciando de xeito notorio a innovación e a colaboración entre individuos e comunidades.

Durante a fin de semana poderemos desfrutar da creatividade e o enxeño en formato para todos os públicos. Robótica, mecánica, ciencia, arte urbán, música, electrónica, artesanía ou gastronomía son disciplinas que se darán cita no Museo Centro Gaiás da Cidade da Cultura de Galicia durante tres apaixoantes xornadas.

Programa 4.0

Industria 4.0 + O Movemento Maker

Unha das novidades da edición de 2017 será a proposta do venres día 24, adicada ao sector empresarial, onde os asistentes poderán enfocarse en expor a súa oferta de produtos e solución así como tamén ao networking entre empresas. A participación é exclusiva para empresas e é preciso darse de alta previamente no seguinte formulario de rexistro.

 

 

 

 

 

Os días da fin de semana, 25 e 26, o obxectivo voltará ser o público xeral. Este é o programa de actividades.

Programa da Maker Fair Galicia

Futuro

Como obxectivo para este ano, os organizadores buscan dar o salto ao escaparate internacional, para o cal contarán con renomeados expositores de referencia, chegados dende Gran Bretaña e Estados Unidos. Gracias a isto, o evento terá moita máis visibilidade e repercusión, esperando os organizadores que se xeren, de maneira natural, novas oportunidades de mellora e negocio para as empresas e makers participantes. Nas súas propias verbas:

Coa divulgación dos proxectos a través do Movemento Maker, a Galicia Maker Faire, busca que creza a inquedanza por innovar, xerando un punto de contacto para a transmisión de coñecemento entre las distintas xeracións.

Organizadores

Chus Prol, xestora do espacio colaborativo Doutroxeito Coworking, Matilde Rodriguez, creadora do proxecto de xestión cultural O Gato Cósmico, Enrique e Marcos Saavedra, de Vermis Project, compoñen o equipo organizador detrás deste grande e apaixoante evento.

O elemento A Cidade da Cultura acollerá a terceira Galicia Maker Faire aparece primeiro en Mancomún.

Publicada Fedora 27

Mér, 15/11/2017 - 11:03

O día de onte recibiamos a boa nova da publicación dunha nova versión da popular distribución Fedora.

Nada como tal en 2003, logo de que o soporte para Red Hat Linux terminase, evolucionando dende un proxecto comunitario que poñía a disposición software adicional para Red Hat Linux, a versión 27 chega para que poidamos desfrutar de GNOME 3.26, LibreOffice 5.4, co cal poderemos firmar documentos empregando OpenGPG, Firefox 57 e Kernel Linux 4.13.9.

O elemento Publicada Fedora 27 aparece primeiro en Mancomún.

Mozilla lanza Firefox 57 Quantum

Mér, 15/11/2017 - 11:00

O día de onte Mozilla anunciou a publicación dunha nova release do popular navegador Firefox.

Existe moita expectación e emoción entre a comunidade con esta nova release, Mozilla reivindica ser dúas veces máis rápido do que antes, elevando a un novo status a experiencia de usuario.

Entre as novidades compre destacar a presenza dn novo motor de busca e navegación e unha interfaz completamente redeseñada e adaptada aos novos tempos.

O elemento Mozilla lanza Firefox 57 Quantum aparece primeiro en Mancomún.

Nova publicación sobre Zabbix e o perfeccionamento do seu despregue

Mér, 15/11/2017 - 10:30

Unha semana máis continuamos cos artigos tecnolóxicos enfocados á solución Zabbix. Lembremos que se trata dunha ferramenta de software libre para monitorización de redes. Permite monitorizar e rexistrar o estado de varios servizos nunha rede de ordenadores, servidores ou hardware da propia rede. Está dispoñible baixo a licenza de software Libre GPL. Entre as súas características destacan:

  • Verificar a dispoñibilidade e nivel de resposta de varios servizos como por exemplo servizos web ou de correo.
  • Permite obter estadísticas como carga dunha CPU, uso de disco, ancho de banda da rede…
  • Permite monitorizar servizos a través de protocolos como SNMP, TCP, ICMP ou SSH e telnet.

Esta nova publicación segue a liña marcada por anteriores entregas para a difusión desta mesma solución.

https://www.mancomun.gal/artigo-tic/zabbix-34-perfeccionamento-despegue-zabbix/

Como xa é coñecido, Zabbix foi incluido recentemente entre as solucións dispoñibles para proba e avaliación dende o Centro Demotrador TIC Virtual, acción que foi complementada á súa vez co seminario “Introdución á monitorización de sistemas co software libre Zabbix e aplicabilidade a outros campos como a industria” impartido pola empresa Muutech da que se pode recuperar a gravación da sesión para todos aqueles que non puidesen asistir á mesma.

Artigos anteriores da serie

Novo artigo tecnolóxico adicado a Zabbix, unha solución para monitorizar os teus servizos con software libre

Zabbix (1/4) : Orientación ITIL da supervisión de servizos

Zabbix (2/4) : Arquitectura

O elemento Nova publicación sobre Zabbix e o perfeccionamento do seu despregue aparece primeiro en Mancomún.

Curso práctico de Arduino no CNTG

Mar, 14/11/2017 - 09:00

O CNTG, Centro de Novas Tecnoloxías de Galicia, acollerá un curso práctico sobre Arduino.

Dende o 15 do presente mes ata o día 4 de decembro impartirase o curso que versará sobre a plataforma Arduino, referente a día de hoxe no eido do hardware libre e con cada día máis presenza na docencia, Investigación e desenvolvemento e na Industria 4.0.

A plataforma Arduino está formada tanto polos elementos hardware como así tamén a contorna de desenvolvemento e librarías software. Para traballar sobre Arduino é moi recomendable ter coñecementos previos sobre as devanditas pezas e tamén sobre electrónica. Durante o tempo que dure a formación, afondarase en todas as disciplinas a un tempo para que os asistentes obteñan unhas destrezas medias sobre a plataforma, de xeito que se gañe a autonomía suficiente como para, despois pola súa conta, poidan ser autónomos noutros proxectos de igual ou maior calado. Todo sempre dende unha aproximación práctica.

Os obxectivos do curso son, coñecer a plataforma Arduino a través do seu estudo e uso. Encontrar similitudes coa tecnoloxía que nos arrodea e cambiar o xeito que temos de interactuar con ela. Está dirixido a todas aquelas persoas que pola súa profesión ou intereses poidan tirar proveito da plataforma. A matrícula é de balde e a duración é dunhas 63 horas.

O elemento Curso práctico de Arduino no CNTG aparece primeiro en Mancomún.

Introdución a robótica de deseño aberto

Lun, 13/11/2017 - 14:30

O vindeiro sábado 2 de decembro, da man da asociación makers.lugo, poderemos asistir a unha xornada de Introdución, DEMO e primeiros contactos coa robótica de deseño aberto.

Nas súas propias verbas:

A xente pregúntanos por cursos, e talleres.  Lugo é pequeno. En MakersLugo todavía somos poucos, e non podemos comprometernos a ensinanzas regladas ou periódicas. Pero sí nos interesa contactar con xente interesada. A retroalimentación, desvirtualización, apoio, e influxo das persoas son importantes.
Este mundo vive e medra na nube de internet. Se che atrae, interesa, e queres tratar co mundo maker, existen unha chea de webs, blogs, e clases ou tutoriais. Pero xurde a pregunta “¿por ónde empezo?”, ” ¿qué me gusta máis?”.

Da man destas inquedanzas e gracias, desta volta, ao pulo de David poderemos desfrutar dunha xornada introdutoria a robótica dende a óptica do deseño e o código libres. Creacións propias como o robot sigueliñas ou outros xa non tan básicos como Otto, deseñado para controlar dende dispositivos móbiles, servirán para que os asistentes poidan obter resposta aos prantexamentos que calquera neófito no mundo maker deberá enfrontar máis cedo que tarde:

¿Como e por onde comezo?, ¿como deseño?, ¿como comparto as miñas creacións?, ¿electrónica?, ¿programación?, ¿qué compro?, ¿que estudo?, ¿arduino?, etc.

O evento terá lugar o próximo sábado 2 de decembro, en horario de mañá, a partires das 10:30. O lugar escollido é o habitual no grupo, o CEI-Nodus, no local D10. Non é necesario levar ningún material propio nin facer achega económica, o evento é libre, sen embargo dende a asociación poñen a disposición un formulario onde dármonos de alta, para poder ter unha idea da cantidade de asistentes e interesados.

Makers.lugo é unha asociación sen ánimo de lucro, creada en Xaneiro de 2014, co ánimo contribuir na construcción dunha sociedade baseada nos principios do libre acceso á tecnoloxía, impulsando actividades relativas a Hardware e Software Libre .

Dende a asociación, e na medida das súas posibilidades contribúen con pequenos actos, talleres e charlas a que a xente entre pouco a pouco no mundo Maker xa que, na súa visión, en non moito tempo vaise converter en algo propio da sociedade e dos currículos escolares.

O elemento Introdución a robótica de deseño aberto aparece primeiro en Mancomún.

Novo artigo tecnolóxico sobre a instalación de OSSEC

Lun, 13/11/2017 - 10:30

No noso artigo de hoxe sobre OSSEC HIDS (Host Intrusion Detection System) falamos da súa instalación a través de paquetería de sistema do sistema operativo GNU Debian.

https://www.mancomun.gal/artigo-tic/ossec-pasos-de-instalacion/

OSSEC HIDS  de código aberto. Un sistema de detección de intrusión en equipos ten como cometido o de analizar os rexistros dos eventos que suceden nun sistema operativo, comprobar a integridade do mesmo, auditoría do rexistro dos equipos Windows, detección de rootkits, alerta en tempo real e da resposta activa a todos estes sucesos.

Continúe lendo o artigo OSSEC: Pasos de instalación

Artigos anteriores

OSSEC: Sistema de detección de intrusos

O elemento Novo artigo tecnolóxico sobre a instalación de OSSEC aparece primeiro en Mancomún.

6ª edición da OSHWDem

Ven, 10/11/2017 - 14:30

Como cada novembro, a asociación Bricolabs organiza a  Open Souce Hardware Demonstration. Mañá sábado día 11 daranse cita no Museo Domus na Coruña participantes e asistentes de todas as idades para desfrutar dunha xornada divertida e creativa.

A OSHWDem é unha feira tecnolóxica na que todos os proxectos son libres. Tanto as especificacións como esquemas e código fonte son postos a disposición pública, deste xeito calquera persoa poderá obter, estudar, entender, replicar e incluso estender os devanditos proxectos de xeito que se maximice a difusión dos coñecementos a todos os niveis da sociedade. Existe unha grande variedade de proxectos os cales versan sobre tecnoloxías tan diversas como a robótica, arte, Internet das cousas, electrónica, hardware, software ou calquera combinación das anteriores que se nos poida ocorrer.

Un dos pratos fortes da xornada é a competición de robótica. Tanto co noso proprio robot, como sendo espectadores, poderemos desfrutar de como os participantes resolven complexos labirintos, enfróntanse en loitas de xeito autónomo ou fan carreiras. Aquí está o formulario para a inscrición no concurso.

Este ano poderemos desfrutar de máis de 150 proxectos Open Source e da presenza de 120 makers, chegados dende todos os puntos da xeografía española e europea. A OSHWDem é unha oportunidade sen igual en Galicia para ter contacto cos desenvolvedores deste tipo de proxectos.

A entrada é libre, de balde e apta para todos os públicos. As actividades darán comezo a redor das 10:00 horas no Museo Domus, na Coruña e a clausura terá lugar aproximadamente as 20:00. Poderemos desfrutar das seguintes actividades:

Exposición de proxectos: 10:00 a 20:00 (ininterrompido)

Competicións: https://oshwdem.org/inscripcion-competiciones-2017/
Labirinto (10:30)
Segue-liñas (12:30)
Velocidade: (13:30)
Sumo Robot: (16:00)
Combate: (17:00)
Hebocon: (18:00)

Talleres e Charlas: (https://oshwdem.org/inscripcion-talleres-oshwdem-2017/)
Taller: EchidnaShield (10:30)
Charla-Demo: FPGAs libres (16:00)
Charla: Robótica de competición (18:00)
Charla: Robots con patas (19:30)

A OSHWDem non termina este sábado. Os próximos fins de semana haberá máis talleres aos que poderás apuntarte a partir do domingo ás 21:00. Así por exemplo o venres 24 e o sábado 25 bricolabs impartirá os obradorios “Obradorio de robots móviles con Sapoconcho” e “Obradoiro de iniciación á Soldadura e Programación con Arduino (B.A.T.S.)” dirixidos a maiores de 12 anos e adultos de calquera idade, que forman parte das actividades que Bricolabs desenvolve grazas á colaboración coa Amtega ao abeiro do convenio de colaboración para a difusión de software e hardware libre en Galicia.

Toda a información destes e outros obradoiros está dispoñible na páxina web do evento.

O elemento 6ª edición da OSHWDem aparece primeiro en Mancomún.

Novo artigo tecnolóxico dedicado á seguridade das TIC e a Guía de Seguridade SCAP

Ven, 10/11/2017 - 09:11

Fai unha semana faciamos unha introdución a SCAP no noso artigo Seguridade nas TIC e o modelo SCAP. Hoxe seguimos profundando no modelo SCAP e facémolo publicando un novo artigo tecnolóxico no que falamos da Guía SCAP, unha política de implementación do modelo SCAP que ten os seus orixes dentro nada menos que do departamento de defensa do goberno americano.

SCAP (2/5): La Guía de Seguridad SCAP

 

O protocolo SCAP é un modelo que trata de dar resposta as necesidades que se identifican na análise da Seguridade das Tecnoloxías da Información. Tamén é unha especificación aberta na súa definición o cal convertea en especialmente interesante en canto que é posible o seu uso e modificación por parte de calquera persoa ou entidade que desexe participar na súa evolución.

Continúe lendo o artigo A Guía de Seguridade SCAP.

Artigos anteriores

SCAP (1/5): Seguridade nas TIC e o modelo SCAP

O elemento Novo artigo tecnolóxico dedicado á seguridade das TIC e a Guía de Seguridade SCAP aparece primeiro en Mancomún.

Nova versión de MuseScore

Mér, 08/11/2017 - 12:00

MuseScore ven de liberar unha nova versión, a 2.1. Trátase dun sofware libre e multiplataforma que permite a creación de partituras musicais para infinidade de instrumentos, tales como piano, guitarra, orquestras, jazz, coros, bandas e moito máis.

Dispoñible baixo licencia GPLv2, pódese obter o código fonte do repositorio de GitHub ou, si se prefire xa empaquetado, acceder ao portal de descarga.

O elemento Nova versión de MuseScore aparece primeiro en Mancomún.

Publicado Audacity 2.2.0

Mér, 08/11/2017 - 12:00

O coñecido software de edición, proceso e grabado de audio, Audacity, publicou recentemente unha nova versión, a 2.2.0. Entre as novidades destacan o redeseño das interfaces, máis sinxelas e mellor organizadas, a capacidade para reproducir arquivos MIDI e novos temas visuais.

Para que a reprodución de MIDI funcione en Linux, é preciso software adicional como TiMidity++, freepats ou pmidi.

Audacity é software libre e multiplataforma, estando disponible para Linux, MacOS y Windows ao abeiro da licenza GPLv2

O elemento Publicado Audacity 2.2.0 aparece primeiro en Mancomún.

Publicado o Boletín de Reutilización de Software Libre nas Administracións Públicas deste mes de Novembro

Mar, 07/11/2017 - 13:12

Xa está publicado o número 40 do Boletín de Reutilización de Software Libre nas Administracións Públicas correspondente a este mes de novembro.

O proxecto destacado deste mes é OpenSCAP, un conxunto de ferramentas desenvoltas por Red Hat, pensadas para implementar as políticas de seguridade que se atopan detrás do estándar SCAP (Security Content Automation Protocol). SCAP é unha especificación aberta enfocada á definición e manipulación de datos de seguridade de maneira estandarizada. Ten as súas orixes alá polo ano 2007, cando nace o programa ISAP (Information Security Automation Program) como iniciativa entre varias das axencias do goberno americano.

No apartado de novas destacan varios proxectos de migración, os concellos de Barcelona e A Coruña, así como a rexión alemana de Schleswig-Holstein están a facer unha aposta importante por migrar as súas administracións a software libre. Neste número destacan tamén varios artigos que están a ser publicados no portal Mancomún relacionados coa ciberseguridade, e que seguirán tendo continuidade nas vindeiras semanas.

Boletín de reutilización de Software Libre

Dende agosto de 2014, a oficina de coordinación de software libre da Amtega vén elaborando e difundido entre os responsables en materia TIC da Xunta de Galicia un boletín, de periodicidade mensual, sobre reutilización de software libre polas administracións públicas. Nel recóllense iniciativas sobre solucións libres, open data e estándares abertos; experiencias de uso de ferramentas libres que se identifican noutras administracións públicas de interese e aplicabilidade dentro da Xunta de Galicia; documentación ou formación de interese nesta materia, etc.

Dende Outubro de 2015, este boletín vense publicando no portal mancomún, co obxectivo de incrementar a difusión desta información noutras administracións públicas, como por exemplo as entidades locais, ou en calquera outra entidade ou organismo que lle poida ser de utilidade.

O elemento Publicado o Boletín de Reutilización de Software Libre nas Administracións Públicas deste mes de Novembro aparece primeiro en Mancomún.

Xornada sobre as novidades da solución NextCloud para almacenamento de ficheiros na nube

Lun, 06/11/2017 - 16:45
  • A Amtega organiza este xoves 9 de novembro unha xornada sobre as novidades da solución NextCloud para almacenamento de ficheiros na nube.
  • Este sistema, xa adaptado ao Regulamento Europeo de Protección de Datos, é unha das aplicacións libres dispoñibles no CDTIC Virtual para que as empresas poidan probalas e avalialas de xeito gratuíto.

O Centro Demostrador TIC da Axencia para a Modernización Tecnolóxica de Galicia (Amtega) vén de actualizar unha das solucións libres que ofrece para que empresas e usuarios poidan probar de xeito gratuíto. Trátase da solución de almacenamento e compartición de ficheiros na nube que pasa a estar baseada na solución NextCloud (anteriormente OwnCloud).

Para facilitar a difusión da súas novas funcionalidades, o vindeiro xoves 9 de novembro o Centro Demostrador TIC celebra a sesión “Nextcloud: a nube privada máis segura para os teus datos” en colaboración coa empresa LibreBit, especializada en xestionar proxectos en software libre.

A sesión, de carácter eminentemente práctico, versará sobre a ferramenta libre Nextcloud, unha solución para resolver as necesidades de almacenamento, compartición e xestión da información das empresas axustándose ao Regulamento Europeo de Protección de Datos, que entrará en vigor en maio de 2018.

Para participar nesta actividade cómpre inscribirse na web do CDTIC ou a través da súa app dispoñible para plataformas Android e iOS. A asistencia é de balde e aínda é posible anotarse, xa que polo momento quedan prazas dispoñibles.

NextCloud

NextCloud é un xestor de ficheiros de código aberto e libre distribución, desenvolvido pola empresa homónima. Esta solución naceu en Abril do 2016 como unha bifurcación de OwnCloud liderada polo creador orixinal de owncloud, quen deixaba así a empresa que creara había xa 6 anos. Moitos dos desenvolvedores marcharon con el a este novo proxecto co obxectivo de obter unha solución moito máis aberta á comunidade e non guiada unicamente por unha única empresa. Aínda que nun primeiro momento ambos proxectos eran o mesmo, dende entón evolucionaron paralelamente, e o pasado maio publicouse a versión 12 (https://nextcloud.com/blog/welcome-to-nextcloud-12/) xunto cun extraordinario apoio da comunidade, na que contan con máis de 1000 membros activos.

NextCloud é unha ferramenta ideal para aquelas medianas e pequenas empresas que precisen mellorar a compartición de ficheiros tanto de maneira interna como de cara a os seus clientes e consumidores a través da nube. Sendo moi sinxela no uso, ofrece unha grande potencia, eficacia e funcionalidade.

Centro Demostrador TIC Virtual

O CDTIC Virtual, posto en marcha polo Centro Demostrador TIC, é un servizo no que empresas, organizacións e persoas usuarias poden probar e avaliar distintas aplicacións en software libre a través dun servizo na nube nun contorno privado, sen necesidade de dispoñer de recursos informáticos propios ou de persoal con coñecementos avanzados de sistemas. Así, desde a súa posta en funcionamento, foron máis de 120 as empresas que teñen solicitado acceso a este servizo do Centro Demostrador TIC.

Na actualidade, as solucións dispoñibles no CDTIC Virtual son Xeshostal, un software para a xestión hostaleira; Odoo, un ERP para a xestión integral dunha empresa; CiviCRM, un software de xestión de relacións con clientes (CRM) orientado a organizacións que traballan no eido social; PrestaShop, unha plataforma web de comercio electrónico; Alfresco, un software de xestión documental profesional; o xestor de contidos WordPress, co engadido da extensión WooCommerce; Zabbix, un sistema de monitorización de redes;e agora tamén a actualización a NextCloud do demostrador do servizo de compartición de arquivos na nube.

As persoas interesadas en solicitar a avaliación dunha das aplicacións dispoñibles non teñen máis que rexistrarse como empresas e profesionais na web do CDTIC e posteriormente solicitar a aplicación ou as aplicacións que sexan do seu interese.

Fonte: Amtega

O elemento Xornada sobre as novidades da solución NextCloud para almacenamento de ficheiros na nube aparece primeiro en Mancomún.

Nova publicación sobre Zabbix e a súa arquitectura

Lun, 06/11/2017 - 10:30

Continuamos a publicación dos artigos tecnolóxicos adicados á solución Zabbix. Lembremos que se trata dunha ferramenta de software libre para monitorización de redes. Permite monitorizar e rexistrar o estado de varios servizos nunha rede de ordenadores, servidores ou hardware da propia rede. Está dispoñible baixo a licenza de software Libre GPL. Entre as súas características destacan:

  • Verificar a dispoñibilidade e nivel de resposta de varios servizos como por exemplo servizos web ou de correo.
  • Permite obter estadísticas como carga dunha CPU, uso de disco, ancho de banda da rede…
  • Permite monitorizar servizos a través de protocolos como SNMP, TCP, ICMP ou SSH e telnet.

Esta nova publicación segue a liña marcada por anteriores entregas para a difusión desta mesma solución.

Zabbix (2/4) : Arquitectura

Como xa é coñecido, Zabbix foi incluido recentemente entre as solucións dispoñibles para proba e avaliación dende o Centro Demotrador TIC Virtual, acción que foi complementada á súa vez co seminario “Introdución á monitorización de sistemas co software libre Zabbix e aplicabilidade a outros campos como a industria” impartido pola empresa Muutech da que se pode recuperar a gravación da sesión para todos aqueles que non pudiesen asistir á mesma.

Artigos anteriores da serie

Novo artigo tecnolóxico adicado a Zabbix, unha solución para monitorizar os teus servizos con software libre

Zabbix (1/4) : Orientación ITIL da supervisión de servizos

O elemento Nova publicación sobre Zabbix e a súa arquitectura aparece primeiro en Mancomún.

Novo artigo tecnolóxico dedicado ao sistema de detección de intrusos OSSEC

Ven, 03/11/2017 - 10:30

Esta semana arrancamos coa publicación do primeiro artigo da serie de Zabbix orientado a ITIL, como solución para a monitorización de redes e servizos, logo continuamos cun achegamento ao estándar SCAP de seguridade das TIC e rematamos hoxe co inicio doutra serie de artigos sobre a temática da ciberseguridade, tratando neste caso a detección de intrusos.

Así pechamos esta semana facendo unha análise técnica do sistema OSSEC HIDS (Host Intrusion Detection System) de código aberto. Un sistema de detección de intrusión en equipos ten como cometido o de analizar os rexistros dos eventos que suceden nun sistema operativo, comprobar a integridade do mesmo, auditoría do rexistro dos equipos Windows, detección de rootkits, alerta en tempo real e da resposta activa a todos estes sucesos.

Continúe lendo o artigo OSSEC: Sistema de detección de intrusos

OSSEC: Sistema de detección de intrusos

O elemento Novo artigo tecnolóxico dedicado ao sistema de detección de intrusos OSSEC aparece primeiro en Mancomún.

Ultreia e Librebit formarán administradores de sistemas para a súa contratación

Xov, 02/11/2017 - 17:11

As empresas Ultreia e Librebit veñen de anunciar unha iniciativa de formación para o emprego xuvenil que rematará coa selección e contratación dun administrador de sistemas GNU/Linux en ambas empresas.

A iniciativa consiste na impartición dun curso formativo totalmente gratuíto de 380h de duración sobre administración de sistemas GNU/Linux para a computación na nube, centrado na certificación LPIC-1 e LPIC-2. O curso será presencial en Vigo, na academia Octavio, durante os meses de Novembro e Decembro. Utilizaranse e aprenderanse as máis modernas ferramentas, como Debian GNU/Linux, Amazon Web Services, NGINX, Vmware, MySQL, Ansible, Nextcloud, Puppet, OpenStack,etc

Rematadas as horas de formación realizaranse prácticas en Librebit e en Ultreia, durante o mes de Febreiro. Finalmente en Abril realizarase o proceso de selección cunha pequena proba final, para poder chegar a formar parte do equipo dunha das dúas empresas.

Os requisitos para poder participar nesta iniciativa son ter entre 16 e 30 anos e formar parte do proxecto de Garantía Xuvenil do Ministerio de Emprego e Seguridade Social. Non é necesaria titulación nin certificación previa, só ganas e interese por mellorar profesionalmente. Valorarase se se ten experiencia previa en administración de sistemas, en especial en sistemas Linux. Valorarase tamén a capacidade de defenderse co idioma inglés, non sendo preciso ningún título que a avale.

As persoas interesadas non teñen máis que consultar a páxina da iniciativa dende a que poderán consultar calquera dúbida así como apuntarse.

Esta iniciativa faise dende a asociación INEO e CONETIC co apoio de Red.es, cofinanciado polo Fondo Social Europeo 2014-2020 con cargo ao Programa Operativo de Empleo Juvenil, co título “Formación para el empleo juvenil en la economía digital” co expediente C020/16-ED.

O elemento Ultreia e Librebit formarán administradores de sistemas para a súa contratación aparece primeiro en Mancomún.

Novo artigo tecnolóxico dedicado á seguridade das TIC e o modelo SCAP

Mér, 01/11/2017 - 10:00

Hoxe en día vivimos nunha realidade na que as aplicacións están cada vez máis interconectadas. A seguridade nas TIC ou ciberseguridade está cada vez máis no punto de mira. As fallas nunha aplicación adoitan levar á explotación doutras aplicacións. Os atacantes están ansiosos para aproveitar calquera falla en calquera aplicación que lles permita alcanzar o seu obxectivo. Neste contexto, verificar que as aplicacións cumpren correctamente os mecanismos de seguridade e non conteñen vulnerabilidades é fundamental.

Dende Mancomún seguimos traballando en prol de facilitar a análise técnica de tecnoloxías profesionais con licenza libre interesantes para ás nosas TIC. E seguindo con esta idea e enfocándonos na temática da seguridade, publicamos hoxe un novo artigo tecnolóxico no que nos centramos na Seguridade nas TIS e tamén en SCAP (Security Content Automation Protocol), o protocolo aberto de definición de datos para a xestión da seguridade.

O protocolo SCAP é un modelo que trata de dar resposta a estas necesidades que se identifican da análise da Seguridade das Tecnoloxías da Información. Tamén é unha especificación aberta na súa definición o que a converte en especialmente interesante en canto que é posible o seu uso e modificación por parte de calquera persoa ou entidade que desexe participar na súa evolución.

Continúe lendo o artigo Seguridade nas TIC e o modelo SCAP.

O elemento Novo artigo tecnolóxico dedicado á seguridade das TIC e o modelo SCAP aparece primeiro en Mancomún.

10º aniversario da viraxe cara o Open Source de AMD

Mér, 01/11/2017 - 08:30

Aló por Setembro de 2007 faciámonos eco dos primeiros movementos e novas que apuntaban a unha viraxe na estratexia de ATI Technologies, subsidiaria de AMD dedicada a fabricación de procesadores e tarxetas gráficas, cara ao desenvolvemento en aberto.

O manexo dos gráficos é quizais un dos eidos onde ainda existe unha maior diferencia entre o FLOSS e o software privativo. Dende finais da década pasada, son Nvidia e AMD/ATI as que copan case que a totalidade do mercado da manufactura de procesadores gráficos en placas adicadas, sen embargo as estratexias seguidas por ambas compañías non poderían ser máis diverxentes.

Namentres o desenvolvemento dos drives libres de AMD/ATI conta coa axuda da casa matriz, o caso de NVidia é diametralmente oposto. AMD fai públicas as especificacións do seu hardware para que se poida traballar abertamente no desenvolvemento do driver. Tamén contribúe directamente mantendo un equipo interno traballando en Mesa para OpenGL; non ainda en Vulkan (outra API similar a OpenGL, pero de baixo nivel), onde son enxeñeiros de Red Hat os que están a levar o pulo inicial, ata que AMD se decida a liberar o seu código.

No caso de NVidia, ao non existir documentación e ser escasa a axuda dos desenvolvedores do driver privativo, os desenvolvedores do driver libre, nouveau, teñen que empregar como recurso a enxeñería inversa, co grande esforzo que isto supón.

Pois ben, nestas datas celebramos logo os 10 anos de ATI no mundo FLOSS, e que veñan outros 10 máis!

O elemento 10º aniversario da viraxe cara o Open Source de AMD aparece primeiro en Mancomún.

Publícase a versión 0.9.3 do popular SuperTuxKart

Mar, 31/10/2017 - 09:30

O popular xogo de carreiras SuperTuxKart vén de publicar unha nova versión, a 0.9.3.

A devandita inclúe artefactos baseados na temática que arrodea ao Halloween, melloras en xeral no aspecto gráfico, na manexabilidade e na xestión de recursos. Tamén poderemos desfrutar dun grabador propio, de xeito que poderemos inmortalizar os momentos de asueto que pasemos desfrutando desde excepcional xogo de carreiras, que leva con nos dende principios do 2009.

Blog de SuperTuxKart.

O elemento Publícase a versión 0.9.3 do popular SuperTuxKart aparece primeiro en Mancomún.

Nova versión da contorna de virtualización Proxmox

Mar, 31/10/2017 - 09:00

Publicada a versión 5.1 do popular da contorna de virtualización Proxmox. Esta versión do sistema está baseada na última versión estable de Debian e da man desta nova versión pon ao noso alcance o kernel de 4.13 de Linux, luminous, a última versión do xestor de almacenamento CEPH, zfs 0.7.2 e cantidade de melloras no aspecto visual do panel de control.

Proxmox VE 5.1, licenzado baixo a GNU Affero GPL, v3, pódese descargar aquí.

O elemento Nova versión da contorna de virtualización Proxmox aparece primeiro en Mancomún.