Mancomun.org

Distribuir contido Mancomún: Últimas novas
Últimas novas de Mancomún
Actualizado: fai 1 hora 52 min

A Coruña acolleu a presentación internacional dun novo sistema operativo móbil, Plasma Mobile de KDE

Lun, 27/07/2015 - 13:40
  • A presentación tivo lugar o pasado sábado 25 durante a conferencia Akademy 2015 que se está a celebrar na Coruña, reunindo a máis de 200 expertos en Software Libre de todo o mundo
  • A asociación galega GPUL en colaboración con KDE e.V. , a Universidade da Coruña, a AMTEGA, e co apoio de numerosos patrocinadores, organizan o evento anual máis importante da comunidade KDE, e un dos máis importantes dentro do mundo do software libre.

A asociación GPUL e KDE e.V., en colaboración coa Universidade da Coruña, están organizando na Coruña (Facultade de Informática, Campus de Elviña) desde o pasado xoves 23 de xullo de 2015 e ata o 31 de xullo, a Akademy 2015, o evento anual máis importante para o desenvolvemento do Proxecto de Software Libre KDE.

Este evento conta tamén co apoio da Axencia para a Modernización Tecnolóxica de Galicia (Amtega) grazas ao Convenio de colaboración para o fomento e difusión do Software Libre en Galicia asinado coas Asociacións de Usuarios de Software Libre de Galicia, entre as que se encontra GPUL.

Un novo sistema operativo móvil

O anuncio máis importante producido ata a data no evento é a presentación a nivel internacional dun novo sistema operativo móbil, desenvolvido por KDE, chamado Plasma Mobile, que será un novo competidor no mercado actual, dominado case na súa totalidade por Android e Apple.

...

O vindeiro xoves 23 comeza a Akademy na Coruña

Ven, 17/07/2015 - 11:20

Como xa anunciamos no seu día, a Akademy 2015, a reunión anual da comunidade internacional de desenvolvedores e usuarios do contorno de escritorio KDE, vaise celebrar na cidade de A Coruña entre o 25 e o 31 de Xullo. Ademais, os días previos, o 23 e 24 de Xullo celebrarase a Akademy-es que é a reunión anual da comunidade de KDE en España.

Así pois, se no 2012 foi GNOME quen tomou sabor galego, este ano será a quenda de KDE, reuníndose na Facultade de Informática de A Coruña dende o vindeiro xoves os principais desenvolvedores deste contorno de escritorio, que traballarán e debaterán sobre o futuro do mesmo.

...

Alternativas libres para a edición colaborativa de documentos

Lun, 13/07/2015 - 16:14

Hoxe en día, existe unha crecente demanda de solucións para a edición colaborativa de documentos dada a alta dispersión xeográfica de moitos equipos de traballo grazas á universalización do uso de internet para as comunicacións.

No noso traballo diario, nalgún momento ou noutro, seguramente verémonos na necesidade de traballar con outra xente na supervisión, corrección, validación, aprobación, etc. de diversidade de documentos. Unha das solucións aínda máis empregadas hoxe en día é o uso do correo electrónico e repetidas iteracións ata acadar o documento final.

Nos últimos tempos xurdiron solucións de edición en liña como por exemplo Google Docs que permite co-edición en tempo real e o almacenamento na nube. Mais isto adoece dun problema da falta de seguridade e confidencialidade dos nosos datos xa que saen fóra do noso control. Están almacenados en servidores fóra da nosa empresas e mesmo fóra do noso país e polo tanto probablemente á marxe das leis de protección de datos.

Gobby, Etherpad, EtherCalc, OnlyOffice e OwnCloud son diferentes solucións que nos permiten coeditar documentos en liña, de maior ou menor complexidade, e todas elas con licenza libre. Como sempre, a elección dunha ou outra alternativa dependerá das nosas necesidades.

...

A Cidade da Cultura acollerá a LibreCon 2015 os días 29 e 30 de Outubro

Xov, 25/06/2015 - 15:55
  • AGASOL, ASOLIF e o Cluster TIC Galicia organizan a quinta edición da LibreCon
  • Internet of Things, a nova educación, a electrónica de consumo e o sector da automoción conectada serán os eixos temáticos desta edición
  • Canonical entre as primeiras organizacións confirmadas para a LibreCon 2015

AGASOL, ASOLIF e o Cluster TIC Galicia organizan a quinta edición da LibreCon que se celebrará na Cidade da Cultura de Santiago de Compostela os próximos días 29 e 30 de outubro co apoio institucional da Xunta de Galicia.

Santiago converterase unha vez máis, no centro dos negocios, o emprego e as tecnoloxías abertas a escala internacional , en cita obrigada para a industria tecnolóxica, coa presenza de directivos de todos os niveis, responsables técnicos, traballadores do sector e axentes públicos e privados tractores de innovación, coñecemento, emprego e negocio que queiran coñecer o último en solucións baseadas en tecnoloxías libres.

...

A Confederación de Empresariaos de A Coruña acolle unha xornada de solucións de xestión empresarial

Mar, 23/06/2015 - 10:46

Agasol organiza unha nova xornada de difusión de solucións TIC libres para empresas baixo o nome de Xornada para a Xestión integral de empresas.

Nesta ocasión, celebrarase na sede da Confederación de Empresarios de A Coruña, o vindeiro martes 30 de xuño de 10:00 a 14:00 horas.

Como o propio nome indica, esta xornada ten como obxectivo achegar solucións de xestión empresarial baseadas en software libre ao público asistente, a fin de que coñezan ferramentas que lles axuden a mellorar na súa xestión, a vender máis, a ser máis competitivos e incrementar a súa produtividade. Presentaranse solucións de e-commerce, mercadotecnia na rede, deseño web, xestión documental na nube e xestión integral de empresas, fancendo énfase na utilidade das solucións e na presentación de casos de empresas que actualmente fan uso das mesmas.

...

Novo obradoiro do ciclo 'Tecnoloxía e software libre' no centro penitenciario de A Lama

Lun, 22/06/2015 - 12:09

A Asociación de Usuarios de Software Libre da Terra de Melide (MeLiSA), comeza mañá martes 23 de xuño, un novo obradoiro do proxecto "Tecnoloxía e software nos centros penitenciarios galegos" no centro penitenciario de A Lama.

Un total de 12 internos pertencentes ao módulo de respecto, serán os
destinatarios deste taller, no que se utilizará material informático
doado polo colectivo de usuarios de software libre con sede en Melide.

Os participantes neste taller poderán aprender a montar un ordenador
persoal identificando os diferentes compoñentes do mesmo. Detectar as
avarías máis comúns, e realizar labores de mantemento dos mesmos. E
finalmente, serán capaces de instalar e configurar un sistema operativo
GNU/Linux, co propósito de que estes equipos poidan formar parte dunha
nova aula de informática no módulo de respecto.

...

GPUL presenta a súa serie documental "GPUL, historia dun LUG calquera"

Mar, 16/06/2015 - 11:06

Coincidindo co seu 17 aniversario, GPUL vén de presentar unha serie documental titulada «GPUL: historia dun LUG calquera» na que, segundo as súas propias palabras, pretenden “contar unha historia local, pero que á vez resulte universal, de xeito que persoas alleas a esta asociación pero que teñan vivido experiencias similares poidan sentirse rapidamente identificadas.”

Esta serie documental, da que publican un capítulo novo cada venres, preséntanos as experiencias, anécdotas e vivencias que os membros daqueles primeiros anos de GPUL lembran das súas orixes.

Se Francisco J. Tsao Santín foi quen tivo a idea de gravar os vídeos orixinais a finais de 2006, Brân González Patiño foi quen os converteu na serie que podemos ver hoxe. Converteu as horas e horas de gravacións nunha serie na que podemos ver a historia deste LUG que podería ser a de calquera outro daquela mesma época.

...

O CDTIC acolle unha sesión demostradora de Odoo, solución para a xestión avanzada de cadeas de produción

Lun, 15/06/2015 - 11:58

Este mércores 17 de xuño, o CDTIC acolle nas súas instalacións unha nova sesión demostradora, da man da empresa Anubía en colaboración co Colexio Oficial de Enxeñeiros Industriais de Galicia, na que se amosará as vantaxes de Odoo, anteriormente coñecido como OpenERP, para a xestión de almacéns e da produción.

A xornada leva por título “Xestión avanzada da produción cos novos módulos de Odoo”, está especialmente deseñada para empresas de produción, empresas consultoras no ámbito industrial, enxeñeiros industriais e estudantes de enxeñería e desenvolverase en horario de 16:30 a 20:30 horas.

...

A Amtega e AGASOL celebran a xornada (r)evoLuƧión, que abordará novos modelos de negocio baseados en solucións TIC de código aberto

Mér, 10/06/2015 - 07:26
  • O 12 de xuño na Cidade da Cultura expertos e empresas con presenza internacional presentarán o software libre aos sectores industriais desde unha perspectiva de modelos de negocio e dirección de empresas
  • A asistencia é de balde previa inscrición previa na web de Agasol http://www.agasol.gal/eventos/
  • Esta iniciativa enmárcanse no convenio asinado recentemente entre Axencia para a Modernización Tecnolóxica e a Asociación de Empresas Galegas de Software Libre, AGASOL

A Axencia para a Modernización Tecnolóxica de Galicia (Amtega) e a Asociación de Empresas Galegas de Software Libre (Agasol) celebrarán o vindeiro día 12 de xuño unha xornada de difusión dos modelos de negocio do software libre que leva por título (r)evoLuƧión.

Esta xornada ofrece un punto de encontro de experiencias inspiradoras para profesionais do eido tecnolóxico e para todas aquelas persoas interesadas en tecnoloxías de código aberto en calquera sector da sociedade.

O obxectivo é profundar e estudar os diferentes aspectos das tecnoloxías libres desde diferentes perspectivas, os modelos de negocio que as sustentan, a lexislación actual que permite a súa explotación de maneira regulada, a visión desde a dirección das empresas e da importancia que ten o agrupamento do tecido empresarial.

...

A Xunta rexistra no catálogo de solucións do Centro de Transferencia de Tecnoloxía do Estado tres novas solucións de Software Libre

Lun, 08/06/2015 - 07:41
  • XEA, DESOURB e Concurrent Cache Manager son as tres novas achegas de Galicia ao catálogo do CTT para facilitar a reutilización por parte doutras administracións así como a colaboración para a súa mellora
  • XEA é unha ferramenta que permite a xestión unificada e coordinada das actividades, axentes e usuarios das aulas da rede CeMIT
  • O software do proxecto DESOURB permite a xestión e explotación dos datos, así como o cálculo dos indicadores de xestión territorial
  • Concurrent Cache Manager é unha biblioteca Java que axiliza o intercambio de información entre as Oficinas do Servizo Público de Emprego autonómico e estatal

A Xunta de Galicia, a través da Axencia para a Modernización Tecnolóxica de Galicia (Amtega), en colaboración con diferentes consellerías publicou ao longo do pasado ano tres novas solucións no seu Repositorio de Software Libre, que vén incrementando a súa oferta dende o ano 2011 grazas ao Plan de Acción en materia de Software Libre da Xunta de Galicia.

Co obxectivo de ampliar a difusión de estas solucións e dar cumprimento aos requirimentos do Esquema Nacional de Interoperabilidade en canto á reutilización de aplicacións, a Amtega procedeu a rexistralas no catálogo de solucións do Centro de Transferencia de Tecnoloxía (CTT) do Estado, proporcionando toda a información necesaria para facilitar o seu coñecemento e reutilización.

...

Tratamento dixital de imaxes con software libre nos obradoiros da Altamar

Mér, 03/06/2015 - 12:52

GALPon anuncia xa o obradoiro correspondente ao mes de xuño do 3º ciclo dos Sábados Libres na Altamar.

O sábado 27 de xuño celebrarase o obradoiro “Tratamento dixital de imaxes con ferramentas libres, Gimp e Inkscape”, no que os asistentes realizarán todo o proceso de elaboración dun cartel a partires dunha foto ata obter o cartel final en Inkscape.

O obradoiro desenvolverase coma vén sendo habitual en horario de 10:00 a 14:00 e de 16:00 a 18:30. Correrá a cargo de Andres Bott, fotógrafo profesional, usuario de Software Libre e socio de GALPon, e celebrarase coma sempre na Residencia Xuvenil Altamar.

...

Oito de cada dez empresas galegas empregan software libre, 10 puntos máis que hai un ano

Lun, 01/06/2015 - 08:00
  • Por primeira vez iguálase o uso do software de fontes abertas entre as empresas do sector tecnolóxico e o resto de sectores.
  • As aplicacións libres máis empregadas nos ordenadores seguen a ser os navegadores e a ofimática.
  • Por primeira vez a porcentaxe de empresas TIC con servidores con sistemas operativos libres é superior ás que os empregan privativos.
  • O produto libre máis ofrecido continúa a ser o software para E-commerce xunto coas solucións de e-learning, de xestión de contidos de portais e páxinas web e servidores web.

Oito de cada dez empresas de Galicia con 10 ou máis empregados empregan software libre, o que supón un crecemento de 10,6 puntos porcentuais respecto ao ano anterior. Por primeira vez o uso de software libre nas empresas sitúase no mesmo nivel que nas empresas do sector TIC galego onde o empregan o 84,7%. No que respecta ás empresas con menos de 10 empregados, algo máis da metade usan software libre, o que supón un incremento de 6,9 puntos respecto do ano anterior.

Son datos recollidos nos informes sobre o nivel de implantación do “Software Libre nas pequenas e medianas empresas de Galicia” e do “Software Libre nas empresas informáticas de Galicia” correspondentes ao ano 2014 elaborados polo Observatorio da Sociedade da Información e a Modernización de Galicia (OSIMGA), dependente da Axencia para a Modernización Tecnolóxica de Galicia, (Amtega).

...

A Amtega convoca a VIII edición do Premio ao mellor proxecto universitario con licenza libre

Mar, 26/05/2015 - 12:17
  • Pode presentarse calquera estudante do Sistema Universitario Galego que teña defendido o seu Proxecto de Fin de Carreira, Traballo de Fin de Grao ou Traballo de Fin de Mestrado nalgunha das convocatorias do ano académico 2014-2015.
  • O premio ten unha dotación económica de 2.250 euros, repartidos nun primeiro premio de 1.500 euros e un segundo premio de 750 euros e grazas á achega do CIXUG e a asociación universitaria GPUL.
  • O prazo de presentación de candidaturas estará aberto ata o 30 de setembro de 2015.

A Axencia para a Modernización Tecnolóxica de Galicia (Amtega) convoca un ano máis o Premio ao Mellor Proxecto Universitario con Licenza Libre, que vai xa pola súa VIII edición. O premio está dotado con 2.250 euros, repartidos nun primeiro premio de 1.500€ e a posibilidade de outorgar un segundo premio de 750€, se o xurado o considera adecuado pola calidade dos proxectos presentados.

Os patrocinadores desta edición son o CIXUG (Consorcio para o desenvolvemento de aplicacións para a Xestión Universitaria), cunha achega de 1.500€ e a asociación universitaria GPUL (Grupo de programadores e usuarios de Linux) cunha achega de 750€, ambos ao abeiro dos respectivos convenios de colaboración asinados coa Amtega para a realización de actividades de promoción do Software Libre en Galicia.

...

GALPon beca finalmente a dúas rapazas para asistir ao Campus Tecnolóxico UGR 2015 para rapazas

Lun, 25/05/2015 - 09:55

A principios deste mes, informabamos que GALPon convocaba unha bolsa para que unha rapaza da nosa comunidade puidera asistir ao “Campus Tecnológico UGR para Chicas 2015” que se celebrará do 29 de xuño ao 10 de Xullo na Escola Técnica Superior de Enxeñerías Informática e de Telecomunicación da Universidade de Granada.

Finalmente as afortunadas son dúas:

  • Sara Rodríguez Barrientos de 15 anos, estudante de 3º da ESO no I.E.S. Fco. Daviña Rey de Monforte de Lemos, Lugo
  • Clara Piñeiro Ordoñez de 17 anos, estudante de 1º de BAC no IES Praia Barraña de Boiro, A Coruña

Dende GALPon, informan que trala selección feita polos seus colaboradores (mestres de tecnoloxía en diferentes centros de Galicia) entre as solicitudes recibidas, non foron quen de decidir cal era a mellor candidatura, habendo un empate entre dúas rapazas. Finalmente, grazas a unha achega anónima dun socio de GALPon, decidiron que fosen ambas candidatas as que gozarán desta bolsa cun importe máximo de 1.000€ cada unha.

Parabens a estas dúas estudantes, e ogallá teñan unha boa experiencia neste campus tecnóloxico.

...

Os axentes galegos do Software Libre colaboran coa Amtega en preto do 30% das acción do plan de Software Libre da Xunta de 2015

Mér, 13/05/2015 - 12:30
  • A Amtega asinou hoxe coas universidades e asociacións de empresas e usuarios de software libre os convenios para o desenvolvemento de 26 das 95 accións do Plan de Software Libre 2015 da Administración autonómica.
  • A Xunta iniciou xa a migración a software libre de 1.500 postos de traballo de empregados públicos
  • Aposta polas ferramentas de software libre en proxectos de calado para a Administración como o Arquivo Electrónico Administrativo (ARPAD) ou o sistema de rexistro único da Xunta de Galicia (AIRES)
  • Incorporará ao Centro Demostrador TIC Virtual dúas novas solucións libres que as pemes galegas poderán probar de balde

A directora da Axencia para a Modernización Tecnolóxica de Galicia (Amtega), Mar Pereira, asinou esta mañá os convenios de colaboración cos axentes galegos do Software Libre, aos que trasladou as liñas de acción do Plan de Software Libre 2015, no que participan con 26 das 95 actividades previstas.

Un ano máis a Amtega colaborará co Consorcio para o desenvolvemento de aplicacións Informáticas de Xestión Universitaria de Galicia (CIXUG), integrado polas tres universidades galegas; coa Asociación Galega de Empresas de Software Libre (AGASOL); e coas seis Asociacións de Usuarios de Software Libre de Galicia (AGUSL) para impulsar a promoción e fomento do uso de software libre entre a cidadanía. As AGUSL que participan nesta iniciativa son GALPon, Ghandalf, GPUL, Melisa, Asociación Cultural Proxecto Trasno e XeoPesca.

...

Curso práctico de programación e adaptación de Prestashop

Mar, 12/05/2015 - 16:35

O CPEIG organiza un Curso Práctico de Programación e Adaptación de Prestashop, dirixido a desenvolvedores web que queiran capacitarse no uso de Prestashop para implementar proxectos web complexos de comercio electrónico. O curso celebrarase do 25 ao 28 de maio en horario de tarde, de 16:00 a 20:30 horas.

Prestashop é un dos xestores de tendas de comercio electrónico máis empregados na actualidade. Está programado en PHP e conta coa posibilidade de configurar diferentes plantillas, módulos e extensións.

Este curso formativo consta dunha duración de 18 horas presenciais, divididas en 4 sesións de 4:30 horas cada unha. Seguirá unha metodoloxía da acción formativa totalmente práctica, onde o alumnado, desde a primeira lección, creará e modificará un portal a través dos exercicios propostos. O curso ten prazas limitadas, ofertándose un total de 20 prazas.vogal4@cpeig.org.

...

Madrid acollerá o primeiro encontro internacional para o sur de Europa de CiviCRM

Lun, 11/05/2015 - 12:18

O vindeiro 28 de maio, Madrid acollerá a primeira edición da CiviCon Sur de Europa 2015. Trátase dun encontro de carácter internacional de usuarios, desenvolvedores, implantadores e entusiastas da plataforma CiviCRM.

CiviCRM é  unha plataforma orientada á xestión de organizacións sen arela de lucro e do terceiro sector, que permite a administración de contactos, donativos ou cuotas, envío de emails a listas, xestión de eventos, creación de campañas, petición de sinaturas, etc. todo integrado nunha mesma interface web.

Este primeiro evento para o sur de Europa constará de interesantes sesións para usuarios de todos os niveis de CiviCRM, tanto se xa son usuarios avanzados como se é a primeira experiencia con este aplicativo. Así por exemplo, falarase sobre os beneficios de empregar tecnoloxías con licenza libre na xestión de organización do Terceiro Sector ou farase unha demo extensiva de CiviSEPA, o modulo desenvolvido para poder xestionar e presentar os recibos domiciliados cumplindo a normativa SEPA.

A asistencia a este encontro é de carácter gratuíto. Esta conferencia celébrase en paralelo á edición de Amsterdam CiviCon NW Europe.

...

O CIXUG convoca prazas para cubrir dous postos de traballo na Oficina de Software Libre

Mér, 06/05/2015 - 13:31

O CIXUG publica a convocatoria de dous procesos selectivos para cubrir os postos de Coordinador da Oficina de Software Libre do CIXUG e de persoal informático para a Oficina de Software Libre do CIXUG na UDC.

Os obxectivos desta oficina de software libre son os de impulsar o coñecemento e utilización do software libre dende o CIXUG e para as tres universidades do Sistema Universitario Galego, e van dirixidos ao conxunto da comunidade universitaria: estudantado, persoal de administración e servizos (PAS) e persoal docente e investigador (PDI). A OSL traballará sempre baixo a supervisión e directrices da Xerencia do consorcio ou persoa na que esta delegue.

O prazo de presentación de solicitudes rematará ás 14:00 horas do día 13 de maio de 2015.

...

Unha experiencia formativa con Hardware Libre será a temática do vindeiro obradorio dos Sábados Libres na Altamar

Mér, 06/05/2015 - 12:39

O sábado 30 de maio terá lugar o seguinte obradoiro organizado por GALPon no seu ciclo de Sábados Libres na Altamar.

Desta volta o obradoiro consistirá na presentación da experiencia do proxecto “Unha experiencia formativa con Hardware Libre” do grupo PatacaLabs (@patacalabs) do CPI Alcalde Xosé Pichel (Coristanco, A Coruña). Este foi o proxecto de robótica con Hardware e Software Libre gañador da axuda en forma de colaboración que convocou GALPon a finais de 2013, para desenvolver durante o ano 2014.

Ademais da presentación da experiencia do proxecto, tamén se realizarán 3 prácticas guiadas polos membros de patacalabs.

No remate desta actividade, GALPon presentará a próxima convocatoria desta experiencia de colaboración.

...

GPUL organiza unha nova charla "Como liberar o teu traballo cunha Licenza Libre"

Mar, 05/05/2015 - 08:30

Dende GPUL informan dun novo relatorio dentro do seu ciclo Xoves Libres. Unha nova edición do relatorio Como liberar o teu traballo cunha Licenza Libre.

O relatorio celebrarase mañá mércores 6 de maio, a partir das 18:00 horas, no laboratorio 0.1W da Facultade de Informática da UDC.

Nesta ocasión, os encargados de achegar a súa experiencia serán Rafael Rodríguez Gaioso, presidente da asociación Melisa e Vreixo González desenvolvedor do proxecto OpenTripPlanner for Android, gañador do Premio ao mellor proxecto de fin de carreira con licenza libre do ano 2014.

...