Asociación Para a Defensa Ecolóxica de Galiza (ADEGA)

12 de febreiro de 2013. Coincidindo coa visita dunha delegación do Parlamento Europeo á Galiza para examinar in situ as denuncias por contaminación das rías, ADEGA quere lanzar unha mensaxe de alarma pero tamén de responsabilidade á sociedade galega sobre o estado das nosas rías. De alarma porque estes privilexiados ecosistemas mariños están seriamente amezados pola irresponsabilidade e a cobiza de quenes só ven neles unha fonte ilimitada de recursos para explotar ou unha cañeira na que deitar todo tipo de refugallos, sen reparar nas consecuencias. Sobrepesca, verteduras urbanas e industriais, mareas negras, acidificación polo exceso de emisións de CO2... Na Galiza, cun dos mares máis fecundos do planeta, seguimos ao cabo en protección das nosas rías, polo que dende ADEGA esiximos a elaboración urxente dun Plano Estratéxico contra a contaminación mariña e a declaración das rías galegas como Reservas da Biosfera.

8 de febreiro de 2013. O Tribunal do Contencioso-Administrativo nº1 de Lugo vén de desestimar unha demanda da empresa mineira Erimsa (Explotación de Rocas Industriales y Minerales) contra o concello da Pastoriza pola que reclamaba que se considerase adquirida por silencio administrativo positivo a licenza urbanística e de actividade para posta en marcha da explotación mineira Alicia nº 5917 neste concello. O tribunal considera que non é posible a adquisición de licenza por silencio administrativo porque o impide a Lei 9/2002 de Ordenación Urbanística e Protección do Medio Rural de Galicia (LOUG) ao tratarse de solo cualificado como rústico de especial protección agropecuaria. Segundo a LOUG neste tipo de solos non está permitida a actividade mineira, motivo polo que o tribunal desestima o recurso de Erimsa.

8 de febreiro de 2013. O Tribunal do Contencioso-Administrativo nº1 de Lugo vén de desestimar unha demanda da empresa mineira Erimsa (Explotación de Rocas Industriales y Minerales) contra o concello da Pastoriza pola que reclamaba que se considerase adquirida por silencio administrativo positivo a licenza urbanística e de actividade para posta en marcha da explotación mineira Alicia nº 5917 neste concello. O tribunal considera que non é posible a adquisición de licenza por silencio administrativo porque o impide a Lei 9/2002 de Ordenación Urbanística e Protección do Medio Rural de Galicia (LOUG) ao tratarse de solo cualificado como rústico de especial protección agropecuaria. Segundo a LOUG neste tipo de solos non está permitida a actividade mineira, motivo polo que o tribunal desestima o recurso de Erimsa.

ADEGA convoca unha actividade de voluntariado ambiental en colaboración coa Asociación para a Defensa do Val do Liñares, que se celebrará o sábado 16 de febreiro, dentro do proxecto de creación dunha rede de Custodia Fluvial nas Bacías do Ulla Umia e Lérez. A actividade se desenvolverá no concello da Estrada na parroquia de Lagartóns. A introdución de especies exóticas invasoras é, despois da destrución de hábitats, a ameaza máis importante na perda de biodiversidade e unha das principais causas de extinción de especies autóctonas.

ADEGA convoca unha actividade de voluntariado ambiental en colaboración coa Asociación para a Defensa do Val do Liñares, que se celebrará o sábado 16 de febreiro, dentro do proxecto de creación dunha rede de Custodia Fluvial nas Bacías do Ulla Umia e Lérez. A actividade se desenvolverá no concello da Estrada na parroquia de Lagartóns. A introdución de especies exóticas invasoras é, despois da destrución de hábitats, a ameaza máis importante na perda de biodiversidade e unha das principais causas de extinción de especies autóctonas.

Lugo, 6 de febreiro de 2013. ADEGA e Asociación Dignidade de Lugo, cuxos obxectivos educativos se dirixen á mocidade en riso de pobreza e/ou exclusión social, veñen de asinar un convenio de colaboración para desenvolver durante este mes de febreiro unha xeira de actividades de sensibilización na natureza. Unha delas terá lugar no equipamento ambiental de ADEGA, a Eira da Xoana, situado na parroquia de Ramil (Agolada).Trátase do primeiro acordo de coperación entre as dúas entidades co propósito de achegar os valores do coidado natural aos rapaces e rapazas desfavorecidas, así como crear novas redes de colaboración entre o tecido asociativo galego. Esta nova sinerxia contribúe a fomentar a solidariedade e coperación na sociedade civil.

Lugo, 6 de febreiro de 2013. ADEGA e Asociación Dignidade de Lugo, cuxos obxectivos educativos se dirixen á mocidade en riso de pobreza e/ou exclusión social, veñen de asinar un convenio de colaboración para desenvolver durante este mes de febreiro unha xeira de actividades de sensibilización na natureza. Unha delas terá lugar no equipamento ambiental de ADEGA, a Eira da Xoana, situado na parroquia de Ramil (Agolada).Trátase do primeiro acordo de coperación entre as dúas entidades co propósito de achegar os valores do coidado natural aos rapaces e rapazas desfavorecidas, así como crear novas redes de colaboración entre o tecido asociativo galego. Esta nova sinerxia contribúe a fomentar a solidariedade e coperación na sociedade civil.

6 de febreiro de 2013. Con motivo do “Día Mundial dos Humidais” celebrado esta pasado 2 de febreiro, a Xunta declarou 9 lagoas como “zonas sensibles” dentro do Plano Hidrolóxico Galiza-Costa, incidindo en que estes humidais, entre os que se atopa A Frouxeira, están segundo a Xunta "entre os ambientes máis ameazados pola drenaxe, a contaminación e a sobreexplotación dos seus recursos". Porén, resulta bochornoso que en pleno inverno, o humidal da Frouxeira estea case sen auga, presentando unha marcada alteración do seu ciclo hidrolóxico, e que tal estado débase precisamente a que a D. X. de Conservación da Natureza abríu recentemente unha canle de desaugue con bulldózers e pás. Estas aperturas perpetradas á marxe da lei e reiteradamente denunciadas por ADEGA levaron á práctica desecación da lagoa en plena tempada de chuvias. Hai que ter cara para engadir outra figura de protección á Frouxeira cando a propia Xunta viola sistemáticamente as 4 xa existentes (LIC, ZEPA, ZEPVN, e Ramsar).

6 de febreiro de 2013. Con motivo do “Día Mundial dos Humidais” celebrado esta pasado 2 de febreiro, a Xunta declarou 9 lagoas como “zonas sensibles” dentro do Plano Hidrolóxico Galiza-Costa, incidindo en que estes humidais, entre os que se atopa A Frouxeira, están segundo a Xunta "entre os ambientes máis ameazados pola drenaxe, a contaminación e a sobreexplotación dos seus recursos". Porén, resulta bochornoso que en pleno inverno, o humidal da Frouxeira estea case sen auga, presentando unha marcada alteración do seu ciclo hidrolóxico, e que tal estado débase precisamente a que a D. X. de Conservación da Natureza abríu recentemente unha canle de desaugue con bulldózers e pás. Estas aperturas perpetradas á marxe da lei e reiteradamente denunciadas por ADEGA levaron á práctica desecación da lagoa en plena tempada de chuvias. Hai que ter cara para engadir outra figura de protección á Frouxeira cando a propia Xunta viola sistemáticamente as 4 xa existentes (LIC, ZEPA, ZEPVN, e Ramsar).

4 de febreiro de 2013. Neste día, membros da comisión promotora da ILP "PARA A APLICACIÓN EFECTIVA DOS PRINCIPIOS DE REDUCION, REUTILIZACIÓN E RECICLAXE DE RESIDUOS EN GALIZA" fixemos entrega no Parlamento de máis de 20.000 sinaturas en apoio desta iniciativa. Trátase de darlle forza xurídica á xerarquía dos "3R" consagrada pola normativa actual, para que sexa realmente de obrigado cumprimento. É nesa liña que esta ILP establece unha serie de medidas para a aplicación efectiva destes principios, excluindo a incineración como opción principal para o tratamento dos residuos. Xunto ao que estamos a descobrir estes días do proceder de determinados partidos e institucións, resulta sintomático que sexa a cidadanía a que leve ao Parlamento unha lei para que a Xunta cumpra a lexislación sobre residuos e antepoña, como establecen as leis, a redución, a reciclaxe e a compostaxe á incineración/vertedura que fai SOGAMA. Dende a Comisión Promomotora desta ILP, queremos dar as grazas a todas as persoas e colectivos que participaron no proceso polo seu compromiso co ambiente e a legalidade. Baixa o texto íntegro da ILP RESIDUOS 2012

4 de febreiro de 2013. Neste día, membros da comisión promotora da ILP "PARA A APLICACIÓN EFECTIVA DOS PRINCIPIOS DE REDUCION, REUTILIZACIÓN E RECICLAXE DE RESIDUOS EN GALIZA" fixemos entrega no Parlamento de máis de 20.000 sinaturas en apoio desta iniciativa. Trátase de darlle forza xurídica á xerarquía dos "3R" consagrada pola normativa actual, para que sexa realmente de obrigado cumprimento. É nesa liña que esta ILP establece unha serie de medidas para a aplicación efectiva destes principios, excluindo a incineración como opción principal para o tratamento dos residuos. Xunto ao que estamos a descobrir estes días do proceder de determinados partidos e institucións, resulta sintomático que sexa a cidadanía a que leve ao Parlamento unha lei para que a Xunta cumpra a lexislación sobre residuos e antepoña, como establecen as leis, a redución, a reciclaxe e a compostaxe á incineración/vertedura que fai SOGAMA. Dende a Comisión Promomotora desta ILP, queremos dar as grazas a todas as persoas e colectivos que participaron no proceso polo seu compromiso co ambiente e a legalidade. Baixa o texto íntegro da ILP RESIDUOS 2012